LA CHAGUARZA
Bruja, hechicera, sanadora hurdana
Cuentan que fue un invierno sin lluvias, sin nieves y que apenas hizo frío para obtener agua de las heladas o de un trocino de carámbano. Los ríos y arroyos estaban secos. De las fuentes naturales solo se escuchaba el sonido hueco de la montaña, como cuando tienes hambre y tu barriga ruge. Al amanecer, el poco rocío ya no existía, pues los zorros, conejos y pájaros se lo habían bebido.
Una joven cabrera de Riomalo de Arriba, al escasear el agua, decidió bajar por los valles de las Hurdes en busca de agua y alimento para su rebaño.
Las cabras apenas tenían leche en sus ubres, pero les caían unas gotitas que, al penetrar en la tierra, conseguían que crecieran unas pequeñas flores blancas. Las abejas iban polinizando el rastro que iban dejando las cabras, pues eran las únicas flores que crecían y, por lo tanto, su único alimento.
La muchachina atravesó montes de robledales, castañares, pinares, olivares y campos de brezos. Trepó por canchales transitando por casi medio centenar de alquerías buscando agua. Pasó, entre otras, por la Huetre, Asegur, Aceitunilla, El Gasco, Fragosa, Cambrón, Cambroncino o Arrocerezo, hasta que por fin llegó exhausta a la alquería de Sauceda en la parte baja, a las puertas de la comarca, donde en un pequeño corral se quedó dormida con solo 7 cabritinas, pues las demás murieron en la travesía.
Al amanecer, cientos de abejas, que habían seguido el manto de flores, crearon una colmena entre las pizarras del tejado del que chorreaba el denso y pegajoso oro líquido dando de comer a las cabras. Las ubres se volvieron a hinchar como botas de vino a reventar. Mientras pastaban, su leche empapaba los bancales, tiznándolos de blanco. Hermosos mantos de flores. Todo un espectáculo. Llegó la abundancia, las lluvias, charcos y ríos a rebosar.
A esas pequeñas flores blancas las llamaron chaguarzos. Las hojas de sus tallos eran pegajosas, herencia de donde provenían: de la miel. Nuestras ancestras y ancestros decían: “Cuando veas a un pájaro bebiendo de un arroyo es que antes comió colmeninas”, pequeñas plantas que crecen bajo los chaguarzos y que saben a miel.
Y ya desde tiempos inmemoriales, cuando escuchamos el bello cantar de los pájaros de la comarca, es que está cerca la bruja, LA CHAGUARZA, hechicera hurdana de la primavera, que con leche de cabra y miel creó un remedio sanador para calmar el dolor de garganta.
LA CHAGUARZA pasó por la comarca y dejó esta marca, un petroglifo que talló y tintó con la leche de sus cabras, miel y colmeninas.
Leyenda creada por Santi Senso para la “Primavera de leyenda de las Hurdes”, inspirada en la cosmovisión hurdana. Traducción al estremeñu, Aníbal Martín. Ilustración de “La CHAGUARZA”, Victoria Inglés.
Pinofranqueado, 18 de abril de 2026
LA CHAGUARÇA
Hechizera, bruxa i sanaora hurdana
Erabesibé un iviernu sin lluvias ni nievis, nel que no hizu fríu pa conseguil agua delas pelonas o dun cachinu carámbanu. Los ríus i arroyus estavan secus. Delas huentis solu se sentía el soníu uecu dela sierra, comu quandu tienis hambri i rutea el banduju. Al pintal el día, del poquininu rocíu queava bastacu porque las zorras, conejus i páxarus se lo bebían enantis.
Una cabrerina moça de Rimalu d’Arriba, al escasseal el agua, decidió abaxal polos vallis delas Hurdis p’alcuentral agua i comía palas sus cabrinas.
Las cabras no tenían ni froncia lechi enas sus ubris, peru les cayían unas gotinas que al penetral ena tierra hazían que nacieran unas froris brancas chiquininas. Las abejas divan polinizandu el regueru que queavan las cabras, pos eran las única froris que crecían i por essu mesmu, el únicu alimentu.
La mochachina travessó por meyu de robrealis, castañalis, pinaris, ulivaris i montis de breçu, agateandu polos canchalis i vesitandu quasi que cinquenta alquerías en busca d’agua: La Güetri, La Segur, Azitunilla, El Gascu, La Fragosa, Cambrón, Cambroncinu, Arró-Cerezu… hata llegal baldá a La Socea, en la parti baxa, enas entraeras dela comarca, andi nuna majá chiquina se queó dormía con solu 7 cabrinas, las otras murierun en el caminu.
Al alvoreal cientus d’abejas, que tenían seguíu el mantu de froris, hizun una colmena entri los lanchonis de piçarra del tejau del que chorreava el espessu i mostosu oru liquiu que davan pa comel alas cabras. Las ubris se golvierun a hinchal comu botas de vinu a revental, i al salil a comel el ruíju chorreavan dexandu los pareonis delas Hurdis pingandu i de colol brancu.
Hermosus mantus de froris. Pa vé-lu! Allegó la albondancia, la lluvia, con chabarconis i ríus corriendu de mar a monti.
A essas froris brancas chiquinas les dixun chaguarçus. Las hojas delos sus tallus eran mostosas, erencia dandi venían: la miel. Dizían las gentis d’antañu: “Quandu veas a un páxaru bebiendu nun’arroyu es que enantis manducó colmeninas”, prantas chiquinas que nacin porbaxu los chaguarçus i sabin a miel.
Dendi antuencis, dendi antañu, quandu sentimus el políu cantal delos páxarus dela comarca es que está en verita de musotrus la bruxa, LA CHAGUARÇA, hechizera hurdana dela primavera, que creó con lechi de cabra i miel el remeyu pa calmal el dolol de garganta.
LA CHAGUARÇA passó pola comarca i dexó esta marca, un petrogrifu que talló i tintó cola lechi delas sus cabras, miel i colmeninas
Leyenda creá por Santi Senso pala “Primavera de leyendas de las Hurdes”, ispirá ena cosmovisión hurdana. Canteu al estremeñu, Aníbal Martín. Debuju de “LA CHAGUARÇA”, Victoria Inglés.
El Pinofranqueado, 18 de abril de 2026.
PRENSA